Pistola, Sopako.

Ogi honi Eibarren betidanik Pistola deitu izan diogu, baina orokorrean Euskal Herrian Sopako deitzen zaio. Fama haundia duten errezetetan erabiltzen delako gure etxean eta Euskal Herri osoan asko kontsumitu den ogia. Arrain zopan, berakatz zopan, zurrukutun-ean, ….

Sarritan, Eibarko Gure Leku tabernan afaltzen dugu, ta ondo afaldu gainera. Negu partean batez ere berakatz zopa izaten dute eta asko gustatzen zaidanez eskatu egiten dut, bueno, egia esanda, ez daukat eskatu beharrik ere ez

Egun hauetan daukagun eguraldiak erdi lotuta nauka etxean, eta pistola etorri zait burura. Garai baten ogi soberakinekin etxean prestatzen nuen, baina gaur egun ogi pittin bat ere ez zaigunez sobratzen, ba aspaldi prestatu barik neukan, baina gaurko gure afaria berakazopa izango da, bai horixe!!!

Osagaiak:

• Los Pisones galirin txuri ekologikoa, 150 gr.
• Rincon del Segurako galirin txuri ekologikoa, 50 gr.
• Ura, 120 gr.
• Legami freskoa, 2 gr. (duela 5 hilabete iraungitua, jeje.)
• Gatza, 5 gr.

Bezperan 100 gr. irin, 100 gr. ur eta legami gramu batekin prefermento bat prestatu nuen. Goizean bol baten osagaien errestoak ipini eta prefermentoa zatituta gehitu. Oratu, olioztatutako bol baten sartu eta estali. Lehenengo hartzidura 21ºtan ordu eta erdikoa egin du.

Bol-etik atera, gasgabetu eta boleatu. Hamar minutuko atsedenaldia eman eta formatu. Ondoren, ore erdian, goitik behera eta alde batetik bestera taxu bat eman eta zabaldu. Bigarren hartzidura, lehenengoaren berdina egin du. Labea 240ºtara heltzen denean sartu, lurruna sortu, 200ºtara jaitsi eta 37/40 minututan egina dago. Kolore ilunagoa nahi izanez gero, grill-a piztu eta nahi dugun tonua hartu duenean atera.

On eginnn.

Muxu bat.

Panettone, 2. ekitaldia.

Bueno, ba hau duzue panettonearen bigarren saiakera eta argazkiak ekitaldi horrenak dira.

Osagaiak lehengoaren berdinak dira, aldaketa bakarra egin diot. Zein? arrautzak.

Sei jarri beharrean zazpi jarri dizkiot, eta kasu honetan denak ez dira “M” neurrikoak izan. Lau“M” eta beste hirurak “L” jarri dizkiot.

Bigarren hartzidurari neurria hartzea falta zait, beste guztia nire ustez ondo dihoa.

Gehiago hasi da eta askoz samurragoa dago.

Hirugarren ekitaldia egongo da, kontaukotsuet.

Muxu bat.

Bonpain (%100) arabarra.

Eibarko kontsumo kooperatibako partaidea naiz. Bertan kontsumitzen dugun guztia ekologikoa da, eta era guztietako jendea gabiltza. Euren artean Biolur-eko teknikari bat.

Behin, ogia gora ta behera hasi ginan. Orduan, ogia egiten nuela enteratu zan eta errota txiki bat nuela ere.

-Alea edo irina erosten duzu? Non? galdetu zidan

-Biak, normalean interneten bidez Albacetetik ekartzen ditut. Hemengoa kontsumitzea nahiko nuke baina ez dakit norbaitek ekoizten duen, esan nion.

-Ui, ba nik ezagutzen dut ekoizle bat. Adolfo du izena eta Heredia-koa da, alea saltzen du, baina errota baldin baduzu ez daukazu problemarik.

Adolforen telefono zenbakia eman zidan. Deitu nion, eta duela urtebete inguru bertatik pasa nintzan. Berba dezente egin genuen eta ale kilo batzuk ekarri nituen, Bonpain garia hain zuzen ere. Pare bat kilo Tebari pasatu nizkion, eta beste hainbeste hor zeunden, etxeko izkina baten erdi ahaztuta. Probatzeko gogoa neukan ….

Larunbatean errota martxan ipini nuen, dena ehotu eta %78-ko erauzketa egin nion. Irina prest.

Ama orea hozkailutik atera, 10gr. hartu, eta elikatzen hasi nuen. Bi bider elikatu eta domekan, goizeko 8:00etan, prest neukan.

Osagaiak:

• Arabako Bonpain irin ekologikoa, 600 gr. (100 gr. ama orean)
• Ura, 445 gr. (100 gr. ama orean)
• Gatza, 12 gr.

Bol baten 500 gr. irin jarri nituen, 275 gr. ur eta 200 gr. ama ore.

Nahasketarekin hasi bezain pronto ur gehiago behar zuela ikusi nuen. Beste 25 gr. gehitu nizkion eta berehala gehiago zurrupatuko zuela konturatu nintzan. Pixkanaka pixkanaka gehitzen joan nintzan 345 gr.-ra ailegatu arte. Beharbada pixkat gehiago ere onartuko zuen, baina momentu horretan zeukan ehundura gustatu zitzaidan eta ez nion gehiago bota.

Ordu erdiko autolisia eman, gatza gehitu eta oratu. Errez oratu nuen, pixkat itsatsen zan baina ez zidan arazo haundirik eman. Ondoren, olioztutako bol baten sartu eta estali.

Lehenengo hartzidura, 21ºtan, hiru ordukoa eman nion, ordubetero tolesdura bat emanez. Boletik atera, boleatu eta 10 minutuko atsedenaldia eman erlaxatzeko. Ondoren, formatu eta banetoian sartu bigarren hartzidura (21º) egiteko.

Ordubete pasa ondoren labea 250ºtan martxan ipini, beheko partean lurruna sortzeko ontzi bat jarriz. Tenperaturara ailegatzen denean, orea banetoitik atera, taxuak eman, labean sartu, lurruna sortu eta 40-45 minututan egina dago. Hasieran 250-225ºtara eduki eta azkenengo 20 minututan 200ºtara jaitsi.

Nahiko indartsua iruditu zait, eta kontutan izanda “Bonpain” ogi ona esatea nahi duela baaa, atera kontuak.

Gaur, mozketa eman, eta hori da atera zaigun mamia. Lehenengo aldiz frogatzen genuela, eta zaporea gustatu zaigu.

Kiloa pasatxo geratzen zait, laster Herediatik buelta bat eman beharko dut. Arabako lautadak, zalantzarik gabe, bisita bat merezi du eta beharbada batzuk, apuntatzea nahiko dute

On egiinnn!!!

Muxu bat.

Pa suec de ségol amb escaldat, espècies, xarop

Pa suec de ségol amb escaldat, espècies, xarop

Zekalezko ogi suediarra galdarraztatuaz, espeziak eta ziroparekin

És un pa que fa Ibán en el curs de pans suecs. Les variacions de la recepta han sigut substituir el fenoll per cardamom, utilitzar només xarop de malta d’ordi, regal de Vicent i com no tènia a mà pell seca de taronja amarga, he posat la ratlladura d’una dolça. El pa és espectacular, ha agradat moltíssim inclosos els fanàtics de les baguettes ràpides de supermercat. Vos ho recomane, a més és molt fàcil de fer. El que m’ha sorprés és l’evolució del sabor del pa, com canvien els aromes…”

Suediar ogien ikastaroetan Ibanek egiten duen ogi bat da. Errezetaren aldaketak mihilua kardamomoagatik trukatzea izan da, garagararen maltazko siropea soilik erabiltzea, Vicent-en oparia eta laranja mikatz azal lehorrik ez nuenez eskura, gozo baten birrindura ipintzea. Ogia “mundiala” da. Izugurri gustatu da,  supermerkatuetako baguette azkarren zaletuenei barne. Oso erraza da egiteko eta gomendatzen dizuet. Ogiaren zaporearen eboluzioak eta usain aldaketek harritu naute gehien.

Amb estes quantitats ixen dos pans

Bi ogi egiteko neurriak dira hauek

  

Escaldat

 300 grs. de farina integral de ségol (Forn de Llenya)

 600 grs. d’aigua a 90º

 1 cullerada de postres d’anís en gra

 10 o 12 baines de cardamom picades en morter

 La ratlladura d’una taronja”

Ur irakinetan egiteko

300gr. zekale irin integrala (egurrezko labea)

600gr. ur 90ºtan

Postreko kaoilarakadatxo bat anis aleak

10-12 kardamomo leka, almerizean xehetuta

Laranja birrindura.

 

Massa

 650 grs. d’una mescla de ségol i blat (40/60)

300 grs. de massa mare de ségol

200 grs. de sirope de malta d’ordi

150 grs. de yogurt grec

 50 grs. de sucre de canya

25 grs. de sal

15 grs. de rent fresc de forner

Orea

650gr. zekale eta galirin nahasketa (40/60)

300gr. zekalezko ama orea

200gr. garagar maltaren ziropa

150gr. jogurt greziarra

50gr. kanabera azukrea.

25gr. gatza

15gr. okindegiko legami freskua.

 La nit anterior es mescla el ségol, l’anís, cardamom i la ratlladura de la taronja i es posa  l’aigua a 90º. Es mescla bé i es deixa reposar fins a l’endemà. En un bol gran, es mesclen la resta d’ingredients rebolicant bé fins a aconseguir una massa humida i brillant. Es deixa llevar fins que doble el volum. Es bolca en el banc, s’intenta donar forma de bola o de batard i es passa al banetton ben enfarinat. Ha de doblar el volum

Bezperan zekalea, anisa, kardamomoa eta laranja birrindura nahasi eta ura ezartzen zaio 90ºtara. Ongi nahasi eta biharamunerarte pausatzen uzten da. Bol handi batean, beste osagaiak nahasten dira, ore heze eta diztiratsu bat lortu arte. Jasotzen utzi tamainoz bikoiztu arte. Mahaiaratu eta borobil edo batard forma ematen saiatu eta irineztatutako bannetoi batera pasatzen da. Bolumena bikoiztu egin behar du.

 El forn a 250º els primers minuts i després baixar fins als 220º. Este pa s’enforna més d’una hora, fins que tinga una temperatura interior de 98º. En el forn desprén una aroma increïble

Labea 250ºtara hasieran eta ondoren 220ºtara. Ordu bete baino gehiago labekatu behar da ogi hau, 98ºko barne tenperatura lortu arte. Labean, izugarrizko usaina ematen du.

Panettone

Nire lehenengo panettoneak. Pluralean bai, sarrera honetan azaltzen diren neurriekin hiru ateratzen baitira.

Oso pozik nago dastatzaile guztiak (25 inguru) mundiala dagoela esan dutelako, bainaaaa ….. beti daukat “baina”-ren bat.

Zapore aldetik ez daukat inungo kexarik, baina ehundurarekin bai.

Gasteizko Artepan-en erosita, 2010-garren urtean nire bizitzako lehenengo panettonea dastatu nuen. Haren ehundura askoz gehiago gustatu zitzaidan, eta horren bila jarraitzeko asmoa dut.

Bonsfocs blogeko Mònicak egindako errezeta jarraitu dut.

Errezetak jarraitzerakoan beti zalantza berdinak izaten ditut. Berak erabilitako irinak, zein indar izango zuen? Zer da ur epela? Zenbat gradu zituen giro-tenperaturak? eta halako galdera ugari. Galderei erantzuna ematea gustatzen zait, eta hauxe, nire lehenengo erantzuna.

Prozesuak 62 ordu inguru iraundu zuen eta prozesu osoa 26ºtan egin zuten.

Ama oreak lau elikadura daramatza:

• Ama orea 50 gr.
• Indar irina, 100 gr.
• Ur epela (30º inguruan), 50 gr.

4 ordu pasa ondoren:

• Ama orea 100 gr.
• Indar irina 100 gr.
• Ur epela (30º inguruan), 50 gr.

Trapu bat irineztatu, ama orea bertan sartu eta soka batekin ondo lotu. 12 ordu pasa ondoren:

• Ama orea 50 gr.
• Indar irina, 100 gr.
• Ur epela (30º inguruan), 50 gr.

4 ordu pasa ondoren:

• Ama orea, 56 gr.
• Indar irina, 113 gr.
• Ur epela (30º inguruan), 56 gr.

4 ordu pasa ondoren, lehenengo oraketa egin:

• Indar irina, 625 gr.
• Ur epela (30º inguruan), 200 gr.
• Esne epela (30º inguruan), 50 gr.
• 4 arrautza “M”.
• Ama orea, 225 gr.
• Azukrea, 130 gr.
• Gurina zatituta eta giro-tenperaturan bigundua, 140 gr.

Bol baten arrautzak, ura ta esnea ondo irabiatu. Ama orea gehitu eta pixkanaka pixkanaka irina gehitzen joan ore homogeneo eta pikor gabekoa lortu arte. Azukrea gehitu eta oratzen jarraitu guztiz integratuta egon arte. Apurka apurka gurina bota eta oratu ore fina, distiratsua eta elastikoa lortu arte. Mintz froga pasatzen badu, momentu ezin hobean dagoenaren seinalea da.

Lehenengo fermentazioa emango diogu tamaina bikoiztu arte. Kasu honetan 12 ordu inguru.

Ondoren, bigarren oraketa:

• Lehenengo oraketaren, orea.
• Indar irina, 325 gr.
• Esne epela (30º inguruan), 80 gr.
• Gatza, 10 gr.
• Eztia, 10 gr.
• 2 arrautza “M”.
• Banilla zorro baten haziak.
• Azukrea, 50 gr.
• Gurina zatituta eta giro-tenperaturan bigundua, 140 gr.
• “Sultana” mahaspasa, 250 gr.
• Laranja azal konfitatua, 250 gr.

Banilla haziak irinara bota, nahastu. Apurka apurka irina botatzen joan -ore sikua izango da, *esnea eta arrautzak pixkanaka pixkanaka gehitu eta oratzen jarraitu orea ondo hidratatu arte. Azukrea gehitu eta ondo integratu arte oratzen jarraitu. Gurina gehitzen joan, eta oratu ore fina, distiratsua eta elastikoa lortu arte.

Kontu handiz mahaspasak eta laranja azalak gehitu, eta orea apurtu barik, frutak ondo banatuta egon arte oratu. Boleatu eta 45 minutu egonean utzi.

Orea hiru zatitan moztu eta berriz ere boleatu. Moldetan sartu eta fermentatzen utzi ertzera ailegatzeko **bi atzamar faltatzen zaizkionerarte. Kasu honetan 24 ordu inguru.

Labea 190ºtara martxan ipini. Tenperaturara ailegatzen den bitartean, orearen goikaldean gurutze forma mozketa eman, gurina jarri eta itxi.

Labean sartu, eta 45 minututan egina dago. Labetik atera bezain pronto, moldearen behekaldean bi galtzorratz sartu eta buruz behera hozten utzi.

Benetan mundiala!!!

Eta orain, nire ustez, egindako hankasartzeak.

• *esnea dena batera bota nion, eta ondo integratzea asko kostatu zitzaidan, asko. Momentu horretan, oreak izugarri “sufritu” zuen.
• ** “bi atzamar faltatzen zaizkionerarte”, ez zan ailegatu eta nire ustez inoiz ez zan ailegatuko. Beharbada, honetan, lehengo hankasartzeak zer ikusia izan zuen.

Arrautzen neurriarekin ere nire zalantzak ditut. “M” erabili nituen baina hurrengoan ziur aski, “M” eta “L” erabiliko ditut, baina kasu honetan oratuz ahala ikusiko dut.

Hirurak desagertu dira. Gehiago egiteko osagaiak baditut beraz, edozein egunean, ehundura hobetzeko asmoz martxan jarriko naiz. Egun hauetan Teba eta biok panettonearen buruz berba egiten egon gara eta ziur nago zeozer lortuko dugula. Aber zuertea dugun, kontauko dizuegu.

Muxu bat.

Irin ugari, intxaur eta mahats pasa ogia

Bueno, aspaldian idatzi gabe. Nire ogien taxuak obsesionaturik izan naute. Baina, ez taxuek soilik, baita ama orea kontrolatzeko gaitasun falta ere. Hau da, ama orearekin ogia egingo dudala aldez aurretik pentsatu behar dut, hau elikatua izan dadin. Honaino, primeran!!! Baina, beti dago zerbait. Ama orea elikatu behar dudan momentuan ez nago etxean, ala ogia egin nahi dudan egunean s.o.s planen bat ateratzen zait, ala lokartu egiten naiz, ala ama ore madarikatua ez dago prest nik nahi dudan momenturako, ala goizean ziztu bizian ateratzen naiz etxetik eta nire laranja erdiak elikatu behar du ama orea, baina erabili beharreko irina erabili beharrean, arrainerako erabiltzen dugun irina erabiltzen du.

Eta hau nola konpondu????

Ba hau da nik egin dudana. Ostegunean, larunbatean ogia egingo nuela erabaki nuen. Baina, arrain irinaren experientzia zela eta,  berriro hasieratik hasi behar izan nuen ostiral arratsaldean. Gainera, gure iberdrola maiteak matxura bat izan zuen eta gure etxea izoztuta zegoen, beraz, larunbatean ez neukan ogirik egiteko aukerarik.

Iganderako 600 gr nahi nituen, beraz, ostiralean 40g ama ore, 40 gr ur eta 40 gr irin nahastu nituen. Larunbatean goizean elikatutako 120gr ama ore nituen eta  iganderako 600 gr osatzeko 480 gr gehiago behar nituen. Hortaz, kantitate hau bi “toma”-tan banatu nuen. Larunbatean goizean 240 elikagai eman nion (120 ur-120 irin), eta gauean gauza bera. Igandean goizeko 7.00tan berogailuaren ondoan jarri nuen, eta goizeko 10.00 tan poz-pozik zegoen , hori bai, 690 gr nituen, ez dakit nola!!!

Ondorioz, ez agobiatu, eta ama orearekin joka ezazue, horrela honen kontrola izaten ikasiko duzue. Niri izugarri kostatu izan zait, baina, ahaleginak merezi izan du.

 

 

 

 

 

 

 

Behin 690 gr nituela, okinaren portzentaia kalkulatu eta aurrera.

1. Osagaiak nahastu (gatza izan ezik)
2. 30 min erlaxatzen utzi
3. gatza gehitu eta oratu
4. 3 h artzidura (tolesdurak barne
5. boleatu eta tentzi oa eman
6. utzi 5 min erlaxatzen
7. forma eman eta banetoira
8. labekatu

Hau guztia egin ondoren honako ogi hauek atera zitzaizkidan

Nabaria da ogia pixka bat erre egin zirela, baina, ogi luzeak labean goi-goian jarri izan nituen hirurentzako lekua egon zedin.

Ikusten denez taxuekin izugarri hobetu dut, nahiz eta ogi borobiletan nik nahi dudan perfekzioa ez lortu. Baina, orain, taxu polita lortzeko aholku batzuk eman diezazkizuet (hain tematia izatearen ondorioa):

1. Ogia laban sartu eta ura beheko lapikotxoan jartzean, laba 10 minutuz itzali (nik 10 min baino gehiago ere izan ditut). Gero, berriro 200º ra piztu eta horrela utzi amaitu arte.
2. Tentsioa oso, oso garrantzitsua da, beraz, tentsioa ondo eman
3. Ama orea bere puntuan egon behar du barneko mamia ondo garatu dadin.
4. Artzidura kontrolatu egin behar da, ez denbora luzeegia ezta laburregia ere.

Mari Domingirentzat briotxea

Nik uste pare bat urte pasatu direla Tebak briotxearen errezeta pasatu zidanetik.

Han zegoen, sukaldeko liburuen apalategian gordea.

Bere momentua itxoiten.

Eta momentua azkenean ailegatu zen, pasaden astean. Gabon hauetan gure etxean Olentzeroren laguntzaile lanak egin dituen norbaiti eskerrak emateko zerbait berezia egin nahi nuen eta briotxeaz oroitu nintzen.

Hauexek dira osagaiak:

- 500 gr. indar-irina

- 57 gr. azukre

- 10 gr. gatz

- 337 gr. arrautze (6 arrautzeren pisua, pil)

- 15 gr. legamia fresko

- 250 gr. gurin

Lan gehiena aurreko egunean egin behar da:

1.- Osagai guztiak (gurina izan ezik) nahastu eta oratu.  10 bat minutuz.

2.- Gurina gehitu eta oratu, oratu, oratu, oratu. Ore xuabe-xuabe eta distiratsua gelditu behar da. Oratzea briotxearen zatirik garrantzitsuena da, gero ondo igo dadin.

3.- Hozkailuan sartu.

Egunean bertan:

1.- Hozkailutik atera eta 30-60 minutu utzi giro-tenperatura hartu arte.

2.- Forma eman eta hartzitzen utzi, tamaina bikoiztu arte. Briotxe bakarra edo hainbat briotxe txiki egiten bada, denbora gehiago edo gutxiago izango da.

3.- Arrautzakin margotu eta 190ºtara dagoen labean sartu (haizagailuarekin hobe). 10 minututara zilar-papera jarri nion gainetik, eta 15 minutu gehiago izan nuen barruan. Halere, hurrengoan zertxobait gehixeago kontuko dudala iruditzen zait.

Nahiko harrotu zen arren, hozterakoan berriz ere pittat jeitsi egin zen, pentsatzen dut denbora gutxiegi egon zelako.

Milesker M., zure laguntza gabe norbait oparirik gabe gelditzeko zorian egon zelako.

2. urteurrena

 

Gezurra dirudi, baina dagoeneko 2 urte pasa dira…

Zenbat gauza ikasten, zenbat jende ezagutzen, zenbat zapore berreskuratzen ari garen…

 

Z O R I O N A K !!!!!!

Santo Tomas ogia

Santo Tomas eguna dela eta, txorixoz beteriko opil bat egin dut nire mutilaren eskaeraz. Gainera, ogi osoa jarraian egiteko astirik ez nuenez, lehen hartzidura hozkailuan egin nuen, egun batetik bestera utziz.

Osagaiak:

• 250g gari irin zuri
• 140ml ur
• Gatz pixka bat
• 3g legami fresko
• Txorixo bat

Lehenik eta behin, irina, ura, legamia eta gatza nahastu nituen koilara batez lehenik, eta eskuz, ondoren. 10 minutu horrelaxe utzi ondoren, ondo oratu nuen dena, eskuz, orea lixo-lixo eta ‘membrana proba’ pasa zuen arte. Orduan, olioztaturiko ontzi batean sartu, plastiko batez estali (ez lehortzeko) eta hozkailuan sartu nuen hurrengo egunerarte.

Hozkailutik ateratakoan, desgasifikatu, opil itxura eman eta 5 minutuz lasaitzen utzi nuen. Ondoren, forma luzexka eman eta barruan txorixoa sartu nuen. Ondoren, orearen gainazalari tentsioa eman nion eta opila prest utzi nuen. Bitartean, labea berotzen jarri nuen 230ºC-tara. 45 minutu igaro ondoren, orea berriz igota zegoen, eta labea beroa zenez, laberatu egin nuen. Lehen 20 minutuak 230ºC-tara ur-lurrunarekin, eta beste 25 minutu 200ºC-tara eta urik gabe.

 

OHARRA: Errezeta hau hemen topa dezakezue gazteleraz.

AVISO: Podéis encontrar esta receta en castellano aquí.

Zapatuko erroskoiak

Beno,

Hau poza!

Pasa den zapatuan, 17an,  gure blogeko bost pertsona txoko baten batu ginen erroskoiak ta ogiak egiteko. Eguna luzea izan zen, baina ez neketsua ezta aspergarria bez. Bost erroskoi, sei blogkide ta euria.

“Kedada” ondo atara zedin, bezperan dena prestatzen hasi nintzen.

Goizean goiz erroskoi orea etxean prestatu nuen, huraxe gure postrea izango baitzen. Beranduago txokoan beste 4 erroskoi prestatu genituen, bat laktosa gabekoa.

Hemen duzue zelan egin genituen.

OSAGAIAK

Prefermentoa:

• 90 g Harimsa markako indar irina.
• 2 g legami freskoa.
• 55 g esne erdigaingabetua.

Infusioa:

• 70 g esne erdigaingabetua.
• limoi eta laranja azalak.
• kanela-zotza.
• 15 g azahar.
• 25 g ron-a.

Orea:

• 260 g Harimsa markako indar irina.
• 8 g legami freskoa.
• prefermentoa.
• 2 arrautz ertainak “M”.
• 100 g azukre (bete barik badoa) edo 75 g (esnegainarekin beteta badoa).
• 50 g infusio.
• nahi bada, laranja eta limoi azal birrindua.
• 70 g gurina.
• gatz pittin bat.

Apaintzeko:

• arrautz bat margotzeko.
• almendrak.
• fruta antzigartuak.
• azukre buztia, …..
• nahi den guztia.

EGITEKO MODUA

Prefermentua: bi ordu lehenago edo bezperan prestatu. Prefermentuko osagai guztiak nahastu ta utzi. Hozkailuan gordetzekotan utzi kanpoan 15 minutu  inguru legamia aktibatzeko, ondoren estali ta gorde.

Infusioa prestatu. Lapikotxo baten esnea, kanela zotza eta zitriko azalak irakiten ipini, baztertu. Epeltzen denean ron-a ta azahar ura gehitu.

OREA:

OSO GARRANTZITSUA: Harimsa markakoa ez den irina erabiliz gero, ez ipini bapatean likido guztia. Irin guztiek ez dute likido kantitate bera xurgatzen, ta likidoa bapatean botatzen badiozue orea likiduegia eta orekatzeko OSO ZAILA geratuko zaizue. Ez ahaztu!

Oratzeko olioa behar baduzue, erabili beldur barik.

Oratu ondoren, orea, olioztatuko bol batean sartu. Estali ta utzi leku epel baten.

Lehenengo hartzidura: 2 ordukoa 23 gradutan (berogailua piztuta zegoen)

Orea mahai gainera atera, pixkat oratuz gasgabetu egingo dugu (behar izanez gero olioa erabiliz). Bolatxo forma eman eta hamar minutu inguru erlaxatzen utzi.

Labako papera prestatuko dugu erretiluaren gainean ipintzeko.

Eskuak irineztatu ta bi hatzamarrekin oreari erdi erdian zulotxoa egingo diogu, gero airean hartuko dugu ta bueltak emanez irekiko dugu erroskoaren forma tipikoa hartu dezan. Labako paperaren gainean ipini ta arrautz irabiatutarekin margotu. Toki epel baten utziko dugu.

Bigarren hartzidura: 2 ordukoa 23 gradutan (berogailua piztuta zegoen)

Laba 220 gradutara berotuko dugu .

Erroskoia, labekatu baino lehenago apainduko dugu: lehenengo arrautz irabiatuarekin margotu ta gero almendrak, fruta antzigartuak, azukrea…

Labekatzerakoan 220ºtara sartuko dugu, ta gero 200ºtara jaitsi, 16 minutu inguruan egina egongo da.

Eginda dagoen edo ez jakiteko, labana sartu ta garbi ataratzen bada eginda daukagu.

Zuon erroskoiak goxo goxoak  eta gureak bezain arrakastatsuak izatea espero dut.