Txokolate ogia

Madrid tiene miga-n errezeta hau eta Chocolate&Zucchini-n beste hau ikusita, txokolate ogia nire erara egitera animatu naiz.

Hauek dira erabilitako osagaiak:

  • 400 gr ogia egiteko galirin zuri
  • 240 gr ur
  • 200 gr ama ore
  • 5 gr gatz
  • 35-40 gr kakao hauts (gutxi gorabehera)
  • 125gr-tako txokolate beltz (62% kakao) tableta bat
  • eztia

Galirina, ura, ama orea eta gatza ondo nahastu eta ordu ediz edo utzi.

Ostean, lehenengo hartzidurarena (fermentazioarena) izango zen tarte horrekin jarraitu, bi ordu t’erdi gutxi gora behera. Tarte horretan, ohiko tolesdurak eman beharrean, kakao hautsa gehitu eta nahastu. Kakao kantitate osoa bapatean gehitu eta nahastea zaila izango litzateke. Nik adibidez kakao hauts kantitate guztia ordu erdiko itxaronaldiekin, hiru tarte ezberdinetan gehitu nizkion, ondo nahasteko ondo oratuz.

Denbora hori pasatakoan txokolatea (zatixoetan zatituta) eta eztia gehitzeko garaia da. Orea ondo zabaldu eta txokolate zatitxoak eta ezti apur bat gehitu ostean orea tolestu. Berriz behar beste errepikatu txokolate guztia erabili arte.

Kontu haundiz oreari barra forma eman, txokolate zatitxoak eta eztia azalera agertu ez daitezen saiatuz. Irineztatutako trapu baten batu eta hurrengo egunerarte hozkailuan gorde (hozkaikuan sartu gabe, ordu gutxi batzuz ere utz daiteke).

Hurrengo egunean, labea aurrez 200ºC-tara beroturik daukagula, oreari gainazalean ebakiak egin eta labera sartu.

Labean 40 bat minutuz eduki,  lehenengo 10 minututan lurruna mantenduz eta azken 20 minututarako tenperatura 180-185ºC-tara jeitsiz.

Labetik atera eta usain hori hor edukita, posible izan ezkero, hotzitu arte itxaron.

Kontutan eduki beharrekoak:

  • Kakaoa oreari gehitzea ez da erraza, nahasketa uniforme bat lortzea kostatzen da. Ondo landu eta pazientziaz ibili beharra dago.
  • Txokolate zatiak eta eztia ez dira orearekin guztiz nahasten, nolabaiteko geruzak sortzen dituzte. Bigarren hartzidurarako eta labean dagoenerako orearen azala ahal den leunena eta garbiena egotea komeni da, beraz kontuz gehitu azken osagai horiek ahal den heinean barrukaldean geldi daitezten.
  • Kakao eta eztiak hartziurak zailtzen dituzte, horregatik ohikoa baino ama ore proportzio haundiagoaz egin dut. Bigarren hartzidurarako gau bat hozkailuan gordetzeak, prozesuari denbora emateaz gain orea hotz egotean forma egokia mantentzen laguntzen du.
  • Labeko tenperaturekin ez pasatzea komeni da. 200ºC-tatik gora labeztatu ezkero gianazala gehiegi gogortzen da eta txokolate zatiak apur bat urtu beharrean nolabait erre eta mingostu egiten dira.

17 Iruzkin

Xabihirulauk idatzia atalean

17 responses to “Txokolate ogia

  1. Roser

    Xabi, el pa de xocolata m´agrada molt i deixa a la cuina un aroma ….; es un pa que es pot menjar sol, sense acompanyament de cap tipus. ¿el xocolata es d´alguna marca en particular?
    Muxu bana

  2. mari

    Luxury!
    Ni bezalako txokolatera batek ez luke apurrik utziko instant batean. Ez dakit probatzea komeni zaidan, baina tentagarria bada, bai.
    Zorionak!

  3. bizio hutsa dirudi ogi horrek, jaten hasi eta amaitu arteko pakerik ez duzun horietakoa… itxura bikaina benetan.

  4. xabihirulau

    Roser, si, és un pa que es menja sol, impossible esperar a l’esmorzar del matí següent. En les quatre o cinc vegades que he fet aquest pa sempre he utilitzat el mateix xocolata amb 62% de cacau el de rajola i “pur” el cacau en pols, però suposo que quedarà bé també amb els altres. És qüestió de provar.

    Intxaurtsu, Mari, Oihana, beldur gabe probatu, eta hobetzeko modurik aurkitzen baduzue hemen kontatu. Bai, bizio hutsa da, baina bizio ona.

  5. idu

    Oso ona Xabi, txokolate beltz beltzarekin. Ogia bero jatea txarra omen da,,, baina diozun bezala, usain horrekin ezin itxaron

  6. E-de-rra!!!
    Aupa zu!!

  7. Olaia

    Joe Xabi ze itxura duen txokolate ogiak!! Neri txokolate beltza gehiegi gustatzen zait, eta errezeta hau egin beharra dago, gosaltzeko, meriendatzeko…

  8. Eneritz

    Kaixo danoi!! zelako itxura dauken txokolatezko ogiak… niri beste danak be gozagarri egiten jataz, jo ze inbidia!! aspaldi topatu neban blog hau eta askotan ibili naz kuxkuxean, baina sekulan ez dot egin errezetarik. Jakin nahi neuke ikastarorik edo emoten dozuen.

    Jarraittu holan, nik begira eta irakurtzen disfrutatzen jarraittuko dot eta.

  9. bixigu

    Xabi, itxura ederra dute ogi horiek! Txokolatea izugarri atsegin dut, pena da gehiegi jan ezin dudala!

    Galdera bat bururatu zait errezeta irakurtzean: kakao-hautsa orearekin nahastea zaila denez, posible izango al litzateke kakao-hautsa irinarekin nahastea hasiera-hasieran, eta gero prozedura normala jarraitzea? ez dakit, agian horrela errazagoa izango litzateke…

    • Xabihirulau

      Aupa bixigu,

      Bai, nahasteko errazagoa izango litzateke, baina nire susmoa horrek hartzidura nolabait ostopatuko zuela izan zen, eta beranduago gehitzea erabaki nuen.

      Saiatu zuk esandako moduan, agian oker nabil eta horrelakorik ez da gertatzen. Lana errazteko modua izango litzateke.

  10. xabihirulau

    Aupa bixigu, aupa juantxo,

    Zuek komentatutako hori frogatu dut, hau da, kakao hautsa beraduago ogiari gehitu beharrean hasieratik irinarekin nahastea.

    Ez dut inongo ezberdintasunik nabaritu, hartziduretan ez du eragin berezirik izan, eta azken emaitza aurrekoetan bezalakoa izan da.

    Hori bai, orera kakao hautsa gehitzearen lana ekiditzeko balio du, errazagoa da, beraz hasieran deskribatutako moduan baino honela egitea gomendatuko nuke.

    Milesker!

    • juantxo

      Aupa Xabi,
      Ezberdintasuna zuk dinozun moduan kakaoa gehitzerako momentuan nabaritzen da, bestela ez.
      Nik ere gomendio bera egiten dut.
      Milesker zuri froga egitearren.

      Muxu bat.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s