Artxiboa laburpen hitzeka: Ogi makina

Hanburgesa ogia

Hanburgesa ogiaGure etxean azkenaldian gero eta gauza gehiago egiten ditugu, erosi ordez, guk geuk egiten dugu ahal dugun guztia. Agian lan gehiago izango da, baina neri konpentsatzen dit, izan ere, zuk eginiko gauzak oso gustora jaten dira, eta gainera, horrela ez naiz kezkatu behar laktosarik duen jakiteaz.

Gaurko hau hanburgesak jateko ogiak dira. Petit boulangerie blogetik atera nuen errezeta eta esne zein gurinak laktosa gabekoez aldatzeaz gain, gainontzeko errezeta guztiz jarraitu nuen. Oso goxoak geratu ziren. Hori bai, errezeta ogi-makinan egitekoa da (nik dudan makinan gainera), baina eskuz berdin-berdin egin daiteke, makinak oratu ordez, guk geuk oratuz.
Osagaiak:

  • 550g indarreko gari irin
  • 240ml laktosa gabeko esne
  • 120ml ur
  • 60g margarina urtu
  • Irabiaturiko arrautza 1
  • 30g azukre
  • 5g gatz
  • Ogi-legami pakete 1
  • Sesamo haziak

Makina izanez gero, osagai guztiak bertan jarri eta oratzeko aukera jarri. Bestela, eskuz oratu eta ordubete inguru utzi leku epelean, tamaina bikoiztu dezan. Ondoren, orea 8 zati egin, eta zati horietako bakoitzari bola itxura eman. Ondoren, labeko bandejan jarri, eta pixka bat zapaldu (gero igo egingo dira). Ordu erdiz utzi, berriz igo daitezen. Urarekin gainazala margotu eta sesamo haziez apaindu. Labean egin 210ºC-tara 15 minutu inguruz (azpikaldean ura jarriz, lurruna egoteko), eta beste 5-10 minutu 180ºC-tara, eginak daudela ikusi arte. Eginak daudenean labetik atera eta rejila batean utzi hozten.

AVISO: Puedes ver esta misma receta en castellano en mi blog

Advertisements

11 Iruzkin

Olaiak idatzia atalean

Tomate lehor, oliba beltz eta ahuntz gazta ogia

Gaurko ogia mediterraniar zaporea du, eta olio pixka batekin bikaina da. Ogi hau egiteko, ogi makina eta labea erabili izan dut. Ogi makinak nahastu, oratu eta lehen fermentazioa egin du, hau da makinak eskaintzen duen beste abantaila bat.

 

OSAGAIAK:

  • 285 ml ur
  • 350 gr galirin (indarrekoa)
  • 60 gr espelta hirin integrala
  • 40 gr zekale hirin integrala
  • legami liofilizatu sobre bat (maizena)
  • 1 goilarakada gatz
  • 25 gr tomate lehor
  • 50 gr ahuntz gazta
  • 10 oliba beltz
  • limoi xuku txorrotada bat

ELABORAZIOA:

  1. Ura, gatza, limoi xukua, hirinak eta legamia makinan jarri eta orea programa aukeratu
  2. programa oratzen amaitu aurretik tomatea, gazta eta olibak gehitu
  3. programa amaitzean orea hirineztatutako mahai batean jarri eta forma eman
  4. banetoi ala erretilu batean jarri eta 45 min estalita utzi bigarren fermentazioa egin dezan
  5. laba 250ºtan berotu eta behekaldean ontzi bat jarri
  6. ogiari taxuak egin
  7. labean sartu eta irakiten dagoen ura ontzira bota
  8. laba 220ºra jaitsi
  9. lehenengo hiru minututan spray batekin labeko aldeak buzti
  10. 25-30 minututan eginda egongo da
  11. utzi hotzitzen

Ogi honek zapore sakona du, gazta laban urtzen baita eta  mamia leun-leuna da.

9 Iruzkin

Intxaurtsuk idatzia, Uncategorized atalean

Fruitu ogi gozoa

Zein zaila den ogia egitea!!! Hori izaten da gehienok pentsatzen duguna. Ez dakit zergatik, baina ogia egitea oso prozesu zaila dela uste du jende gehienak. Norbait ogia egiten imajinatzen dugunean indar handiz oratzen, izerditan blai eta urunez goitik behera imajinatzen dugu. Ogia egiten hasten zarenea, aurreko guzti hori desmitifikatu egiten da. Ogia egitea ez da hain zaila, praktikatu egin behar da prozesu berare menperatu ahal izateko.

Baina ogia egiteko astirik ez izatekotan edo gogorik ez izatekotan ere, badago etxean ogia egiteko beste era errazago bat: ogi makina erabiliz. Gaur egun gero eta ospetsuagoa da etxeko tresna hau, eta horregatik makinaz egindako ogia dakarkizuet gaur.

Ogi hau oso gozoa da, gosari zein meriendarako bikaina eta nik pepekitchen webgunetik atera nuen, nahiz eta hainbat aldaketa egin izan.

OSAGAIAK:

  • 125 cc esne
  • 1 yogur naturala
  • 1 arrautza
  • 30 gr gurin bigun
  • 2 koilarakada handi ezti
  • gatz pixka bat
  • 375 gr ogia egiteko galirina
  • 1 sobre banila azukre
  • 1 sobre legami lehorra (maizena)
  • 200 gr fruta lehor: albarikoke, ahabi eta mahats pasa

ELABORAZIOA:

  1. Osagaiak makinako ontzian jarri aurreko zerrendan agertzen diren orden berean.
  2. ogi gozo programa aukeratu
  3. 700 / 750 gr jarri
  4. aukeratu nahi den azalaren textura mota (nik oso txigortua)

Erraza ezta? Erosten den ogia baino hobea dela zin egiten dizuet!!!

12 Iruzkin

Intxaurtsuk idatzia atalean