Txokolatezko madalena errezak

Gure oiloak aurkezten dizkizuet:


Etxeko arrautzak edukitzea pribilegio bat  da gaur egun, eta oiloei merezi duten tratua emanda (pentsu ekologikoa, barazkiak, belarrak eta eguneroko paseoa),”urrezko” arrautzekin eskertzen digute goizero. Langile finak dira, eta  ez dute apenas lanik ematen. Orain udaberria heldu dela, eta egunero bostpasei arrautza jartzen dituztenez, soberan daudenekin madalenak egitea pentsatu det.

Errezeta oso erraza da, eta di-da batetan egiten dira:

Lehenengo pausua arrautzak pisatzea izango da.


Ondoren, pisu berdina erabiliko degu irina eta azukrea nahasteko, eta pisuaren erdia olioa edo gurina nahasteko.

Kasu hontan:

– Bi arrautza (130gr.)

– Irin txuria: 65gr. eta irin integrala: 65gr.

– Azukrea: 130gr.

– Oliba olioa: 60gr.

– Txokolate zatitxoak: bakoitzaren gustura

– Legamia kimikoa: goilaratxo erdi bat

Orea egiteko lehenengo arrautzak eta azukrea nahastu ditut. Gero olioa pixkanaka gehitu eta azkenik irina eta legamia bota ditut. Orea ondo nahastuta dagoenean txokolate zatitxoak bota eta moldeetan sartu (erdiraino, gutxi gora behera)

Labea 180º-tan jarri eta 20 bat minututan prest daude.

Nik silikonazko molde berri hauek erabili ditut, eta egia esan primeran funtzionatzen dute…eta gainera oso politak dira! Nere amaren gaur goizeko oparia izan da. Eskerrik asko!

Hemen daukazue emaitza. ON EGIN!

         

         

Advertisements

11 Iruzkin

Olatzek idatzia atalean

Schwarzer Hamster (desberdina?)

Kalabaza ogia egin behar nuela pentsatu nuenean Alemaniako blogetatik bueltak ematen ibili nintzan eta euretariko baten hau ikusi nuen. Han egon nintzan, behiak trenari begira egoten diren moduan, eta zera esan nion nire buruari; hurrengoa hauxe, eta hemen dakarkizuet.

Hainbat gauza atentzioa deitu ninduten. Prozesuan, inoiz egindako gauza batzuk azaltzen ziran. Irakurrita nituelako ez ziran ezezagunak, baina inoiz praktikan jarrita eta momentua zan. Bestalde ere, ez dut ulertzen zergatik erabiltzen duten hainbeste legamia, eta prisa ez nuenez :), gramu ziztrin batekin prefermento bat prestatzea erabaki nuen.
Ama orea aktibatzeko:
  • Zekalezko ama ore integrala, 15 gr.
  • Ura, 125 gr.
  • Zekale irin integrala, 125 gr.
Dena ondo nahastu nuen eta 26ºtan 17 ordu egon zan.
Prefermentoa:
  • Galirin integrala, 70 gr.
  • Legami freskoa, gramo bat.
  • Ura, 70 gr.
Dena ondo nahastu, ordubete giro-tenperaturan laga, eta ondoren hozkailuan sartu (azmakizun dotoria;)). Tenperatura hartzeko, erabili baino pare bat ordu lehenago ateratzea komeni da. Guztira, hamalau ordu egon zan.
Beratzen jarri:
  • Ekilore, kalabaza, liho eta sesamo haziak, 160 gr. (bakoitzetik 40 gr.)
  • Zekale irin integrala 110 gr.
  • Ura, 270 gr.
  • Gatza, 12 gr. (hurrengoan pixkat gutxiago)
Dena ondo nahastu, eta giro-tenperaturan bost ordu izan nuen.
Aleak egosi:
  • Zekale aleak, 50 gr.
  • Gari aleak, 50 gr. (ez neukan espeltarik)
  • Ura, 150 gr.
Dena ontzi baten ipini eta egosi ur guztia lurrundu arte, kasu honetan 45 minutu inguru.
Orea:
  • Ama orea.
  • Prefermentoa.
  • Beratzen jarritakoa.
  • Egositako aleak.
  • Galirin integrala, 60 gr.
  • Malta, 10 gr.
  • Olo malutak, 50 gr. (ez nituen zekalekoak)
Bol baten dena ondo nahastu, eta ordu erditxo bat laga laaasai egoten 🙂 Moldea olioztatu, kasuan 25 x 11 x 8 zentimetrokoa. Ondoren, beste pare bat minutuko astindua eman, moldean sartu, azala buzti, pipitak itsatsi eta estali. 22ºtan 3 orduko fermentazioa egin zuen. Labea piztu eta 250ºtara heltzen denean moldea sartu eta lurruna sortu. Hamar minutura ura atera, tenperatura 180ºtara jaitsi eta beste 50 minututan egina izango duzue.
Prozesu desberdinak daramatzalako atentzioa deitu zidan. Egia esaten badizuet, hiru urtetan eginiko ogiengandik, duda barik hau da desberdinena. Ez naiz ñabardurak eta halako gauzak harrapatzen dituen hoietariko bat, beraz, ez dizuet esango honen edo beste horren tokea duela, ez. Ogi hau nola dagoen esplikatzeko, momentu honetan bururatzen zaidan berba bakarra hauxe da; i-tze-laaaa!!! Ulertu nauzue? 😉

Onak izan, … ahal baduzue behintzat.
Muxutxuak.

4 Iruzkin

Juantxok idatzia atalean

Enpanada

Egia esaten badizuet ez naiz enpanada zalea, ez. Asko probatu izan ditut, Galiziara joaten naizen bakoitzean jaten ditut bai, baina … ño, ezin!! Pasa zen astean, Madrid tiene miga-n dabilen Carmenek bat egin zuen ta atentzioa deitu zidan. Zergatik? ba betegarria barazkiekin eginda zegoelako eta horrela eginda, nire ustez, hozkailuak eskertu egingo zuelako.
Betegarria bezperan prestatu nuen hurrengo egunean hotza nahi nuelako.
Betegarriaren osagaiak:
  • Tipula gorri haundi bat.
  • Porru haundi bat.
  • Kalabaza 275 gr.
  • Shitake perretxikoak 175 gr.
  • Espinakak 180 gr.
  • Gatza ta olioa.
  • Hoiek, edo … zuek nahi dituzuenak.
Osagaiak txikitu, zueztitu pixkat eta erreserbatu. Beste 50 minutu inguru labe barruan egongo direnez, ez daukazue asko sukaldatu beharrik.
Orea egiteko osagaiak:

  • Los Pisones galirin txuri ekologikoa 325 gr.
  • Rincon del Segura zekale txuria 100 gr.
  • Ur epela 220 gr.
  • Ama orea 150 gr.
  • Gatza 10 gr.
  • Olioa 20 gr. + zerbait gehiago azala margotzeko.
Osagai guztiak bol baten ondo nahastu. Mahai gainera atera eta oratu ore leun eta homogeneoa lortu arte. Bol-ean sartu, estali eta ordubeteko hartzidura eman. Atera, bi zatitan moztu -bata bestea baino handiagoa- eta atsedena hartzen utzi. Labeko erretilu bat olioztatu ta irineztatu.
Arrabolaren laguntzaz, zati bat ondo luzatu eta erretiluan ipini. Betegarria sartu ta ondo zabaldu. Bigarren zatia ere ondo luzatu eta gainetik ipini. Errasketa batekin enpanadaren buelta osoa txukundu eta ondo seilatu. Sobratutako zatiekin apaindu eta olioarekin margotu.
Labea 180ºtara ipini, sartu eta 55 minututan eginda. Kolorea lehenago hartzen badu, ba lehenago atera. Margotu berriz ere olioarekin.
Hemen barruko argazki bat. Polita ezta? Laster errepikatuko dudala uste dut.
On egin!!!
Muxu bana.

4 Iruzkin

Juantxok idatzia atalean

Un pa tipus Tartine. Tartine motako ogia

Aquest pa és deliciós, increïblement bó i sabròs, un PA amb majúscules. És un pa que fa Chad  Robertson en la seva fleca de Sant Francisco i que es descriu àmpliament en el llibre Tartine Bread, llibre que vos recomane i que segur aneu a gaudir, les fotos són senzillament espectaculars.
Ogi hau gozo-gozoa da,  oso ona eta zaporetsua, hizki larriz idatzi beharreko horietakoa. San Franziskon Chad Robertson okinak egiten duen ogia da eta bere “Tartine bread” liburuan ongi deskribatua. Liburu honen argazkiak ikusgarriak dira eta ziur gozatuko duzuela; gomendatzen dizuet.


Anem al tema, primer que res hem de tenir una massa mare, si no tenim massa mare i utilitzem un preferment o llevat, no seria un pa tipus Tartine. La massa mare ha d’estar ben alimentada a una hidratació del 100%. ( cada vegada que l’alimentem posem la mateixa quantitat de farina que d’aigua) i al punt àlgid d’activitat.
Per a aquest pa es necessita una massa mare que estigui poc àcida pel que, agafarem una porció de massa mare recentment alimentada.

Goazen harira. Ezer baino aurretik, ama ore bat egin behar dugu. Ama orerik gabe, legamia erabiliz gero, ez litzateke “Tartine” motako ogia. Ama orea ongi hidratatua egon behar du (%100) (eikatzen dugun bakoitzean ur-irin kopuru bera gehituko diogu) eta bere aktibitate gorenean. Ogi hau egiteko garraztasun gutxiko ama orea behar da, beraz, elikatu berri dugun ama ore zati bat hartuko dugu.

Chad Robertson per fer aquest pa controla molt bé la temperatura a la que fermenta el pa i s’alimenta la massa mare. En el meu cas aquest control de temperatura no està assegurat ja que per a això necessitaria una càmera de fermentació i encara no la tinc, així que m’he hagut de conformar amb intentar crear un ambient amb una temperatura estable.

Chad Robertsonek, oso ongi kontrolatzen du ogiak hartzidura egin eta ama orea elikatzen deneko  tenperatura. Nire kasuan, tenperatura kontrol hau ezin dut ziurtatu horretarako kamara bat beharko nuke eta oraindik ez dut. Beraz, tenperatura egonkor bat ziurtatzen duen giro bat sortzen saiatzen naiz.

Primera alimentació de la massa mare:
S’agafa 30 grs. de massa mare i es refresca amb 30 grs. de farina de sègol integral i 30 grs. d’aigua. S’espera al fet que doble el volum (en la recepta de Chad Robertson a 18º de temperatura). Al final tenim 90 grs. de massa mare.

Ama orearen lehenbiziko elikatzea
Ama orearen  30gr. hartu eta 30gr. irin zekale integralarena  eta 30 gr. urez freskatzen da. Volumena bikoiztu arte itxaron eta ( Chad Robertsonen errezetan 18º tara). Azkenean, 90 gr. ama ore dauzkagu.

D’ aquests  90 grs. s’agafen    25 grs, i s’afegeixen 50 grs. de sègol integral i 50 grs, d’aigua. Es fa una marca en el pot i es fa una altra marca en el punt fins a on arribaria la massa si la deixéssim doblegar el doble del volum. Doncs bé, quan la massa recorri 1/3 d’aquesta distància ja la podem utilitzar.

90 gr. hauetatik 25 gr. hartu eta 50gr. irin zekale integrala eta 50gr. ur gehitzen zaizkio. Botean marka bat egiten da eta bigarren marka bat, bolumena bikoiztu ezkero iritsiko litzatekeen mugan. Ongi bada, oreak bitarte horren 1/3 bat igoa duenean erabilgarri dugu.

Massa
125grs. de massa mare
500 grs. de farina blanca de blat ( 350 grs. de farina fornera i 150 grs. de farina de blat de mitja força mòlta en molí de pedra de Los Pisones)
375 grs. d’aigua

Orea                      
125gr. ama orea
500gr. galirin txuria ( 350gr. okin irina eta 150gr. Pisoneseko harri errotan eotutako erdi indarreko galirina)
375gr. ur

Es barreja fins a incorporar ben tots els ingredients i es pasta lleugerament. Es deixa en autolisis durant 30 min. Després s’afegeixen  25 grs. més d’aigua. Es barreja bé i es comença a pastar dins del bol. Amb una rasqueta jueva, es va agafant la massa del fons i es va pujant a la part d’a dalt, estirant i plegant, la idea és incorporar la major quantitat d’aire possible i desenvolupar el glúten. La massa és molt molt tova, per això es pasta dins del bol.

Osagarri guztian ongi nahasten dira eta arinki oratzen da. Autolisian uzten da 30 min. 25 gr. ur gehitzen zaizkio. Ongi nahasi eta bol barruan oratzen hasten da. Erraketa judutar batez azpiko masa goikalderatzen da,  luzatuz eta tolestuz, asmoa, ahalik eta aire gehien eman eta  glutena garatzea da. Orea bol barruan oratzen da oso biguna baita.

La temperatura de llevat hauria de rondar els 26º. A la massa se li van donant plegats a intervals de 30 minuts.
Enfarinem la superfície on anem a bolcar la massa perquè formi una crosta que ens ajudi a formar. La massa es forma ràpidament i amb moviments precisos, intentant donar tensió a la superfície però sense  desgasar l’interior. És una massa molt peculiar amb una textura molt diferent a totes les que fins ara he pastat. Aquí us deixo aquest enllaç perquè vegeu el  video del format.

Altxatze tenperatura 26º ingurukoa izan behar luke. 30 minutuka orea tolesten da.

Orea jarri behar dugun azalera irineztatzen dugu forma ematea erraztu diezagun. Orea azkar eta mugimendu doiez  eratzen da, gaina tenkatuz baina barneko gasa galdu gabe. Ore oso berezia da orain arte oratu ditudanetatik guztiz egitura ezberdinekoa. Hemen uzten dizuet esteka hau egituratze bideoa ikus dezazuen.

http://www.youtube.com/watch?v=cIIjV6s-0cA

Es passa a la cocotte i es deixa fermentar per espai d’una hora o fins que vegem que la massa hagi doblat el volum.
Jo ho he  fornejat horneado en la cocotte freda, per la qual cosa va entrar en el forn curt de fermentació així tal com la cocotte va prenent calor, la massa es va desenvolupant en un ambient humit i calent, la qual cosa afavoreix la seva expansió. Als 20 min. d’entrar en el forn, llevar la tapa perquè la costra comenci a prendre color.

“Cocote”ra eraman eta hartzidura egiten uzten dugu ordu bete batez edo oreak volumena bizkoiztu duela ikusi arte.
Nik, “cocote” hotzean labekatu dut. Beraz, labean guztiz hartzitu gabe sartu zen eta “cocote”ak beroa hartzen zuen heinean, orea giro heze eta bero baten hazten doa, hedatzen lagunduz. Sartu ondoren, 20 minutura, tapa kendu  kolorea hartzen joan dadin.

Als 50 minuts, treure el pa de la cocotte perquè es dauri ben la base. Cal deixar que el pa de torri molt. El color de costra és brillant, molt brillant.

50 minututara, “cocote”tik ogia atera urre kolorea har dezan. Ogia nahiko txigortzen utzi behar da. Azalaren kolorea oso distiratsua da.

7 Iruzkin

Roser-ek idatzia atalean

Kalabaza ogia

Sarrera hau Doniene berri baserriko Mirian eta Nereari eskeintzea nahiko nieke. Eurek dira barazkia ekartzen digutenak eta ogi honek duen kalabaza eurena da.
Kontsumo kooperatiba bateko partaidea izanda eta laneko kide batzuk baserritarrak badira, ba azkenean normalena hozkailua barazkiz beteta eukitzea izaten da. Otarran denetik izaten dugu, dena goxoa, eta zerbait arraro samarra badago errezetak ta dena ematen dizkigute 🙂
Horraino ondo, baina jakina!!, norbait ez dakit zenbat kiloko kalabaza batekin badatorkizuuuu, zer egin? Ba ogi bat edo gehiago, noski!!!
Alemaniako blogetatik buelta bat eman eta honek atentzioa deitu zidan. Moldaketa txiki batzuk egin, ta aurrera!!

Osagaiak:

  • “Los Pisones” galirin txuri ekologikoa 375 gr. (100 gr. ama orean)
  • “Rincón del Segura” galirin integrala 75 gr.
  • “Rincón del Segura” zekale integrala 75 gr.
  • “Rincón del Segura” zekale txuria 75 gr.
  • Ura 425 gr. (100 gr. ama orean)
  • Ama orea 200 gr.
  • Gatza 12 gr.
  • Kalabaza (xerra fin eta estutan moztua) 275 gr.
  • Piperbeltz beltza ehotu berria (sei ehogailu-ukitu)
Kalabaza eta gatza ezik, beste osagai guztiak katilu baten ipini, ondo nahasi, estali eta 45 minutu laga. Gatza gehitu, mahai gainera atera ta 5 minutu inguru oratu. Oso oso itsaskorra denez, olioaren laguntza ez zaizue batere gaizki etorriko. Pixkanaka pixkanaka kalabaza gehitzen joan dena ondo integratu arte. Katilua olioztatu, orea bertan sartu eta estali. Lehenengo hartzidura 21ºtan hiru ordu eta erdikoa eman nion, denbora horretan lau tolesdura emanez.
Katilutik atera, kirtena egiteko 50 gramoko zati bat kendu eta boleatu. Hamar minutu pasa ondoren, zati biei forma eman eta *hozkailuan gorde. Haundia banetoi baten barruan eta txikia tuper txiki baten.
*Etxean nengoen, baina ore biguna zenez bigarren hartzidura hozkailuan ematea erabaki nuen.Zergatik? ba ogiari kalabaza edo antzeko forma ematea nahi nuelako. Hain biguna egonda, mozketak ematerakoan zabaldu egingo zan eta forma galdu egingo zuen. Hozkailuan hotzarekin orea tentetu egingo zela pentsatu nuen, eta asmatu nuela esan dezaket.
Lau ordu pasa ondoren hasita zegoela ikusi nuen, hatzamarrarekin ikutu eta tente zegoenez labea martxan jarri nuen. 250ºtara ailegatu zenean, orea eta kirtena labetik atera nituen.
Oreari mozketak eman, kirtena ondo pegatu eta barrura, baaaina … istripu txiki bat izan nuen. Labean sartzerakoan kirtenak goikaldean jo zuen eta jausi egin zan, mekatxisss!!!!!!!
Lurruna sortu, hamar minutu pasa ondoren ura atera, tenperatura 200ºtara jaitsi eta 50-55 minututan eginda.
Gaur goizean moztu dut eta hor mamiaren argazkia. Hezea dago eta kriston zaporea du, oso ona.
Hurrengoa, honen antzekoa egingo dut.
On egin!!!
Muxu bana.

4 Iruzkin

Juantxok idatzia atalean

Azenario bizkotxoa – carrot cake

Beno,

Neguko barazkien otarrari etekina ateratzeko, beste errezeta goxo-goxo bat. Eta postrea gainera!!!

Zenbat  gustatzen zaidan, eta nola pasatzen dudan!!!

Pasa zen asteburuan halako hiru bizkotxo jausi ziran. Iaz, “andereño konsortea” bezala joaten naizen ogi ikastaro batera blog hontako kide batek eraman zuen, eta izugarri gustatu zitzaigun. Errezeta, “Little Things” blogetik atera zuen.

Goxoegia ez izateko azukre pixkat kendu nien, ez nien ez gatz eta ez esnerik bota eta emaitza dastatzaileen arabera, mundialak zeundela.

Oliba olio birjina, intxaurrak (mila esker Edu), galirin integrala, azenarioak … dituenez, benetan osasuntsua gainera. Nork esango zigun elikadura zainduko genuela hain goxoa eta hain osasuntsua den postre batekin? Zuntzan aberatsa, monoinsaturatu koipeak, nekez kolesterola, …

Gogoan hartu s´il vous plait arrakasta ziurtatuta dago eta.

Bizkotxo baterako OSAGAIAK:

  • Galirin integrala (Rincón del Segura), 200 gr.
  • Hauts-legamia (edo gasifikatzaile bat), 3 koilaratxokada.
  • Ehotako espeziaz betetako koilaratxo bat; kanela, intxaur muskatua eta iltzea nahastuz.
  • Ehotako intxarrak, 60 gr.
  • Kanabera osoko azukre beltza (Rincón del Segura), 150 gr.
  • Oliba olio birjina, 130 gr.
  • 2 arrautz, “L” tamainakoak
  • Zuritu eta birrindutako azenarioa (laborantza ekologikoa), 170 gr.

25 zentimetro inguruko luzeera duen moldea beharko duzue. Gurinez ez igurtzeko, paperez forratu dezakezue. Errez ateratzen da.

Errezetaren kantitateak bikoiztu egin nituen, eta horregatik beheko argazkietan bi bizkotxo ikusiko dituzue 🙂

ELABORAZIOA:

Labea, 180ºtara aurreberotzen dugu.

Intxaurrak robot baten, ehogailuan edota almerizean ehotu.

Katilu batean irina, hauts-legamia eta espeziak bahetuko ditugu. Ehotako intxaurrak gehitu eta erreserbatuko dugu.

Zuritu eta birrindu azenarioa. 

Olioa, azukrea eta arrautzak beste katilu baten nahastu. Azenarioa gehitu eta nahasi. Azkenik, lehenengo katiluan daukagun nahasketa gehitu, eta ondo nahastuko dugu.

Nahasketa moldera bota eta labean sartuko dugu.

Tenperatura 170ºtan mantendu eta ordubete inguru labekatuko dugu.

Atera eta parrilla baten gainean hozten laga.

Zuen gustokoa izatea espero dut.
😉

10 Iruzkin

Tebak idatzia atalean

Borodinsky

Ogi errusiarra. Erreza, oso erreza. Dena zekalea denez ez dago oratu beharrik, osagaiak nahastu ta moldera. Hori baino errezagorik, zer? Denbora bat pasa ondoren paketea zabaldu, probatu ta … geroz ta argiago daukat zekaleak maiteminduta naukala.
Foro del pan-en dagoen errezeta baten oinarritu naiz. Aldaketa batzuk egin dizkiot nire moldea 25 zentimetrokoa delako.
Osagaiak:
  • *Zekale ama ore integrala 380 gr.
  • Zekale irin txuria 325 gr.
  • Ura 240 gr.
  • Eztia 25 gr.
  • Malta irina 20 gr.
  • Gatza 7 gr.
  • Martorri ehotua 6 gr.
  • Martorri haziak.
*Ama orea bi bider elikatu nuen.
Lehenengoan, 42gr. (ama ore) + 42gr. (ur) + 42gr. (zekale integrala)= 126 gr. ama ore.
Bigarrenean, 126 gr. (ama ore) + 169 gr. (ur) + 85 gr. (zekale integrala) = 380 gr. ama ore.
Bol baten osagai guztiak ipini martorri haziak ezik, eta ondo nahastu. Moldea olioztatu eta martorri haziak bertan ipini. Orea barrura sartu, estali eta fermentatzen utzi. Kasu honetan, 25ºtan, hiru ordu egon zan.
Momentu horretan labea martxan ipini, eta 240ºra heltzen denean moldea sartu. Hamar minutu pasa ondoren, tenperatura 200ºra jaitsi ta 50 minututan egina dago. Atera eta parrilla baten gainean laga hotzitu arte. Ondoren estali, eta ahal baduzue 48 ordu izan horrela. Nik, 36 ordu aguantatu ditut bakarrik.
I-zu-ga-rri-a, ez daukat beste hitzik.
Ogi honen buruz zerbait gehiago jakitea nahi izanez gero, begiratu hemen.
On egiinnn!!!
Muxu bana.

15 Iruzkin

Juantxok idatzia atalean